شو بتعطيكي الجلسة
توقيف التساقط، إعادة تنشيط البصيلات النايمة، إنبات شعر جديد بالفراغات، تغميق وتقوية منابت الشعر، تحسين امتصاص الأمبولات العلاجية، واختصار مدة العلاج.
عن الجلسة
الجلسة الأساسية: ميزوثيرابي لفروة الرأس مع غسيل شعر فقط. تحفيز وتنشيط الفروة بالديرما بن على عمق 0.5–0.75 ملم، مع أمبولات علاجية للتساقط وخلايا جذعية نباتية، لإعادة تنشيط البصيلات النايمة. البروتوكول: جلسة كل أسبوعين، والزبونة بتستخدم أمبولة بيتية بين كل جلسة والتانية. النتيجة حسب تجربتنا: بعد جلستين (شهر) بيخف التساقط بشكل واضح وبتغمق منابت الشعر، وبعد 4 جلسات (شهرين) بيبلش شعر جديد يطلع وبيوقف التساقط. الجلسات بتختصر الوقت: نتيجة شهرين بدل حوالي 6 شهور بالأمبولات لحالها. شرط النتيجة: البصيلة تكون نايمة مش ميتة. ننصح دايماً بفحص سبب التساقط (حديد، B12، فيتامين د، زنك) والعلاج من جوا وبرا مع بعض، لأنه العلاج الخارجي لحاله بيوقف التساقط مؤقتاً، والداخلي لحاله بياخد وقت طويل لأن الجسم بيعطي الأولوية لأعضائه قبل الشعر.
لمين مناسبة
اللي عندهن تساقط شعر، فراغات أو خفة بالشعر، منابت شعر خفيفة، وبعد الولادة أو الضغط أو الريجيم.
ليش عنا
بروتوكول مدروس (عمق وتكرار مثل الدراسات)، أمبولات احترافية مع خلايا جذعية نباتية آمنة، متابعة خاصة، وتوعية الزبونة بسبب التساقط والعلاج من جوا وبرا. صدق: منحكي متى الجلسة بتنفع ومتى لأ.