روان عاشور

الحكاية

من سنة 2015، لما تخرجت روان من دبلوم التجميل الشامل من الأوائل، ما وقفت تتعلم. دورات بالميك اب، بالصبغات وعلاجات الشعر، وبالتسريحات، لأنه بالنسبة إلها كل زبونة بتستاهل أحدث وأدق إشي ممكن يتقدّملها.

بس اللي بيميز روان مش بس إيدها. روان خريجة علم حاسوب، وكمّلت ماجستير بالمعلوماتية، وهاد بيبين بكل تفصيلة بشغلها: كل خدمة عنا مدروسة بخطوات ومعايير واضحة، من التشخيص لآخر لمسة. فنانة، بس بتشتغل بعقل منظّم ودقيق.

بيت، مش صالون

الصالون الجديد صممته روان بإيدها، تفصيلة تفصيلة: الألوان والإضاءة، غرفة العروس، المدخل الخاص، وحتى مكان وقوف سيارة العروس. وبتحكي عنه إنه ولد من ولادها. وعشان هيك اسمه «بيت»: اللي بتدخل عنا بتنعامل كضيفة، مش كزبونة.

اللي بنآمن فيه

• الصدق قبل كل إشي. بنحكيلك متى الخدمة بتنفع ومتى لأ، وما بنوعد بأكثر من الحقيقة.
• خصوصيتك أمانة. بنحترم ديننا وعاداتنا، وما بنصوّر ولا بننشر صورة أي زبونة.
• أصلي وآمن بس. ما بيدخل الصالون إلا منتجات أصلية ومعروفة المصدر.
• التعلّم ما بيخلص. كل سنة في إشي جديد بعالم التجميل، وروان دايماً من أول اللي بيتعلموه.

ليش روان؟

لأنها بتجمع إشي نادراً بيجتمع: ذوق فنانة، ودقة باحثة، وصبر معلّمة. ولأنها لما بتشتغل على شعرك أو بشرتك أو لوك عرسك، بتشتغل كأنه إلها.